Blandaður skelfiskur í mangó-kókossoði

Hráefni

» 80 g humarhalar, skelflettir

» 100 g kræklingur

» 80 g risarækja

» 50 g hörpudiskur

» 2 cm engiferrót

» 4–8 stk. hvítlauksgeirar

» 1/2–1 stk. chilialdin

» 1 stk. mangó ávöxtur

» 1 dl kjúklinga- eða fiskisoð

» 3 dl kókosmjólk úr dós

» 3 msk. tælensk fiskisósa (nam pla)

» 1 búnt sítrónugras (lemon grass)

» lítið búnt kóríander

» salt og pipar

» 1/2 haus jöklasalat

Aðferð

Afhýðið hvítlauk og engifer og saxið fínt. Fræhreinsið chili og skerið í þunnar sneiðar. Afhýðið mangó, skerið aldinkjötið utan af steininum og skerið í bita. Látið kjúklinga- eða fiskisoð og kókosmjólk saman í pott ásamt fiskisósu, engifer, hvítlauk, chili og sítrónugrasi, brjótið stönglana fyrst saman, í þrennt. Sjóðið saman við vægan hita þar til soðið er orðið þétt í bragði og áferð. Hakkið kóríander fínt. Bætið fiskinum út í ásamt mangó og fínt hökkuðum kóríanderlaufum. Saltið og piprið eftir smekk. Haldið við suðumark í um 10 mín. með því að hafa pottin á vægum hita. Sneiðið jöklasalatið fínt og skiptið jafn á fjóra djúpa diska. Setjið skelfiskinn og soðið jafnt yfir. Berið fram með jasmín hrísgrjónum