Hvítlauksristaðir humarhalar með rúkólasalati

Hráefni

» 1600 g humarhalar í skel

» 6 stk. hvítlauksgeirar

» 1/4 búnt steinselja

» 200 g smjör

» 400g rúkólasalat

» ólífuolía

» sjávarsalt og pipar

Aðferð

Þíðið humarinn, kljúfið hvern hala í tvennt og takið görnina úr. Afhýðið hvítlauk og setjið í matvinnsluvél ásamt steinselju og mjúku smjöri. Maukið varlega saman. Smyrjið humarhalana vel með hvítlaukssmjörinu og kryddið með salti og pipar. Skolið rúkólasalatið upp úr ísköldu vatni, þerrið og setjið í skál. Blandið ólífuolíu saman við ásamt salti og pipar.

Hitið smjör á vel heitri pönnu og snöggsteikið humarhalana þegar smjörið er farið brúnast, á báðum hliðum, í um 30 sek.–1 mín. eftir því hvað hitinn er mikill. Berið humarhalana fram með rúkólasalatinu og t.d. hvítlauksbrauði.