Skelfiskragú með „foccacia“ brauði

Hráefni

» 200 g hörpudiskur

» 200 g laxaflak

» 200 g steinbítsflak

» 200 g humarhalar, skelflettir

» 100 g kræklingur, í skel

» 200 g sveppir

» 1 stk. rauð paprika

» 3 stk. vorlaukar

» 2 stk. stórir hvítlauksgeirar

» 1 búnt fersk basilíkulauf

» 2–3 msk. ólífuolía

» 200 ml hvítvín

» 1/2 lítri rjómi

» sjávarsalt og nýmalaður pipar

Aðferð

Fræhreinsið papriku og saxið sveppi, papriku og vorlauka niður í hæfilega stóra bita. Skerið lax og steinbít í fallega gúllasbita. Snyrtið humarhala og hörpuskel. Afhýðið hvítlauk og merjið í mortéli með basilíku. Setjið ólífuolíu á pönnu og steikið hvítlauk og basilíku. Bætið saxaða grænmetinu saman við og mýkið á pönnunni. Hellið hvítvíni á pönnuna. Látið krauma stutta stund og bætið þá rjómanum út á. Setjið að lokum sjávarfangið saman við, fyrst lax og steinbít en humarhala og hörpudisk hálfri mínútu síðar. Látið krauma í um 2 mín. og smakkið til með salti og nýmöluðum pipar.

Þessi uppskrift er notuð í Foccacia brauð

Meðlæti