Kræklingur í hvítvíni með hvítlauk

Hráefni

» 2,5 kg kræklingur

» 4 stk. skalottlaukar

» 6 stk. hvítlauksgeirar

» 3 dl ólífuolía

» 3 dl hvítvín

» 4 dl rjómi

» salt og pipar

Fyrir 4

Aðferð

Uppskriftin miðast við fjóra sem aðalréttur en réttinn má einnig bera fram sem forrétt og þarf þá að minnka magnið til samræmis við það.

Hreinsið kræklingsskeljarnar vel. Afhýðið skalottlauka og hvítlauksgeira, skerið smátt og setjið út í olíuna. Hitið olíuna á djúpri pönnu eða í potti. Setjið kræklingana út í og látið krauma vel. Hellið hvítvíni og rjóma á pönnuna og látið suðuna koma upp. Kryddið með salti og pipar. Rétturinn er tilbúinn þegar skeljarnar opna sig. Berið kræklinginn fram með brauði.