Skelfiskur í chili og engifer

Hráefni

» 250 g humarhalar

» 250 g risarækjur

» 250 g hörpudiskur

» 250 g rækjur

» 1/2 stk. chilialdin

» 4 cm engiferrót

» 1/2 stk. rauðlaukur

» 1 stk. hvítlauksgeiri

» 1/2 stk. rauð paprika

» 1/2 stk. græn paprika

» 4 dl olía

Aðferð

Skelflettið humarhala og risarækjur og hreinsið hörpudiskinn. Fræhreinsið chilialdin, afhýðið engiferrót og setjið hvort tveggja í matvinnsluvél og maukið ásamt 2 dl af olíunni. Afhýðið rauðlauk og hvítlauk og fræhreinsið papriku. Skerið papriku, rauð-lauk og hvítlauk í hentuga stærð. Hitið pönnu og setjið restina af olíunni á hana og steikið humar, hörpudisk og risarækjur í þessari röð. Bætið grænmeti og chilimauki á pönnuna og að lokum rækjum. þetta ferli má ekki taka langan tíma því skelfiskurinn á ekki að vera mikið eldaður. Með þessum rétti er gott að bera fram hrísgrjón.