Rækjutortilla með mexíkóskri mangósalsa

Hráefni

» 500 g rækjur

» 1 stk. mangó ávöxtur

» 4 stk. tómatar

» 13–12 stk. chilialdin

» 1 búnt ferskt kóríander

» 1 stk. rauðlaukur

» 1 stk. lime, safi

» 2 msk. kornolía

» salt og pipar

» 1/2 haus jöklasalat

» 8 stk. tortillur

Aðferð

Þíðið rækjurnar og þerrið vel á eldhúspappír. Flysjið mangó og skerið í litla bita. Skerið tómatana í bita. Fræhreinsið chili og skerið smátt. Hakkið kóríanderlauf. Afhýðið rauðlauk og skerið í sneiðar. Blandið öllu saman í skál og látið rækjurnar saman við. Kreistið limesafa yfir og bætið ólífuolíu út í. Hrærið vel saman og saltið og piprið eftir smekk. Gott er að láta þetta standa í 1–2 klst., eða lengur, í kæli.

Áður en rækjublandan er sett inn í tortillurnar sneiðið á jöklasalat fínt og blandið saman við. Skiptið jafnt á tortillurnar. Brettið upp á endana og vefjið tortillunni utan um. Gott er að láta tortillurnar örstutt, í nokkrar sek., inn í örbylgjuofn.