Grænmetisspjót á grillið

Hráefni

» 1 búnt ferskur kóríander, eða eitthvað annað ferskt grænt krydd

» 6 msk. ristuð sesamolía eða græn ólífuolía

» 1 sm biti ferskur engifer – afhýddur & smátt saxaður

» 1 hvítlauksrif, smátt saxað eða pressað

» 1 msk tamarisósa eða sojasósa

» smá sjávarsalt og nýmalaður svartur pipar

» 1 eggaldin, skorið í fernt og síðan í 1⁄2 sm bita

» 1 rauð paprika, skorin í tvennt, fræhreinsuð og síðan skorin í 2 x 2 sm bita

» 1 kúrbítur, skorinn í 1 sm sneiðar

» 100 g tofu - firm, skorið í 1 x 1 sm bita

» 16 sveppir

Fyrir 4

Aðferð

Skolið kryddjurtirnar og saxið þær mjög smátt eða merjið þær í mortéli. Blandið síðan olíu, hvítlauk, tamari/sojasósu og smá salti og pipar útí. Þræðið grænmetið og tofu upp á spjót, hellið kryddleginum yfir og marinerið grænmetið í 1/2 klst. Setjið spjótin í ofnskúffu og grillið þar til grænmetið er orðið gyllt og flott. Má líka grilla á útigrilli. Snúið spjótunum nokkrum sinnum við á meðan grænmetið er að grillast.