Grænpiparsósa

Hráefni

» 1/2 stk. laukur

» 1 dl fiskisoð

» 1 dl hvítvín

» 2 msk. grænpiparkorn

» 2 dl rjómi

» púrtvín

» nautakraftur

Aðferð

Afhýðið lauk, saxið smátt og snöggsteikið í potti. Bætið fiskisoði, hvítvíni og grænum pipar út í og sjóðið niður. Bætið rjóma saman við og sjóðið varlega í um 1/2 mín. Bragðbætið með örlitlu púrtvíni og nautakrafti. Ef sósan er of þunn má þykkja hana með maizena- eða kartöflumjöli sem fyrst er hrært út í kalt vatn.

Fondant kartöflur

Hráefni

» 4 stk. bökunarkartöflur

» nauta- eða kjúklingasoð

Aðferð

Afhýðið hráar kartöflur. Kartöflurnar má hvort sem er djúpsteikja í olíu eða brúna á pönnu til að fá fallegan lit. Raðið kartöflunum síðan í eldfast form og hellið soðinu yfir þannig að það nái upp á miðjar kartöflurnar.

Kjötsoð er hægt að búa til með því að blanda Oscar kjötkrafti út í vatn, leiðbeiningar eru á öskjunum. Bakið kartöflurnar í ofni við 180°C í 35–40 mín. Athugið hvort kartöflurnar eru steiktar með því að stinga prjóni í þær. Ef engin fyrirstaða er þá eru þær tilbúnar.