Laxasósa

Hráefni

» 1/2 stk. laukur

» 1–2 msk. ólífuolía

» 1 msk. niðursoðnir tómatar

» 2 dl fiskisoð af laxabeinum

» 1 dl hvítvín

» 1/2 msk. tómat.ykkni

» 1 dl rjómi

» maizena- eða kartöflumjöl

» kjúklingakraftur

» örlítið koníak (má sleppa)

Aðferð

Afhýðið og saxið laukinn og mýkið í olíu í potti. Grófsaxið niðursoðnu tómatana og bætið síðan fiskisoði, hvítvíni, tómötum og tómat.ykkni út í. Látið sósuna sjóða við vægan hita í 2 mín., hrærið þá rjómanum saman við og látið suðuna koma upp. Þykkið mátulega með maizena- eða kartöflumjöli, sem hrært hefur verið saman við kalt vatn. Bragðbætið með kjúklingakrafti og koníaki.

Saffran Rísottó

Hráefni

» 1/2 stk. laukur

» 1–2 msk. ólífuolía

» 2 bollar arborio-hrísgrjón

» 6 þræðir saffran

» 4 bollar kjúklingasoð

» 1 bolli rjómi

Aðferð

Afhýðið laukinn, saxið og mýkið í ólífuolíu í potti en brúnið ekki. Bætið hrísgrjónunum út í ásamt saffran og steikið lítillega. Hellið kjúklingasoði yfir þannig að rétt fljóti yfir hrísgrjónin og sjóðið við vægan hita í um 10 mín. Hrærið reglulega í pottinum og bætið meira soði út í eftir þörfum. Bætið rjómanum út í þegar grjónin eru næstum fullsoðin og sjóðið áfram þar til hrísgrjónin eru tilbúin.