Sjávarréttaspjót með kartöflubátum

Hráefni

» 250 g skötuselur

» 250 g laxaflak

» 250 g humarhalar

» 2 stk. græn paprika

» 1 stk. kúrbítur

» 1 dós „smoked chilli“ frá Hot Spot

» salt og pipar

» grillpinnar

»

» Meðlæti

» 700 g kartöflur

» 3 dl „Wok Szechvan Style“ sósa frá Hot Spot

» salt

» olífuolía

Aðferð

Skerið skötusel og lax í fallega bita. Fræhreinsið papriku og skerið í bita. Skerið kúrbítinn í bita og þræðið fiskinn og grænmetið upp á grillpinna. Athugið að láta trépinna liggja í vatni í 4–6 tíma áður en grillað er svo að þeir brenni ekki þegar grillað er. Makið „Sweet chilli“-sósunni á fiskinn og grænmetið á pinnunum og grillið síðan á vel heitu grilli í 3–4 mín. Kryddið með salti og pipar.

Meðlæti:
Skerið hverja kartöflu í fjóra báta og setjið í smurt eldfast mót með „Wok Szechvan Style“-sósu, salti og ólífuolíu. Bakið kartöflurnar við 180°C í eina klst.