Stórlúða með tómat, hvítlauk og sítrónu

Hráefni

» 1 kg stórlúða

» olía til penslunar

» 1 stk. sítróna

» salt og pipar

»

» Meðlæti:

» 4 stk. tómatar

» 1 stk. sítróna

» 4 stk. skalottlaukar

» 4 stk. hvítlauksgeirar

» 6 dl ólífuolía

» 3 tsk. kóríanderfræ, úr kvörn

» salt og svartur pipar

Aðferð

Skerið stórlúðuna í hæfilegar sneiðar og penslið með olíu. Grillið í um 5 mín. á hvorri hlið og kryddið með salti og pipar. Athugið að grilltíminn fer eftir stærð og þykkt lúðunnar. Setjið vel af tómat-laukmauki á diskana þegar þið berið lúðuna fram. Með réttinum er líka gott að bera fram ferskt salat og soðnar kartöflur eða rísottó.

Meðlæti:
Sjóðið vatn í potti. Skerið kross í tómatana og setjið ofan í sjóðandi vatnið í 5–10 sek., og síðan beint í kalt vatn. Afhýðið tómatana, skerið í tvennt, fjarlægið kjarna og skerið síðan í litla teninga. Skerið aldinkjötið úr sítrónunni, ekki hafa hvíta lagið með, og skerið í báta. Afhýðið skalottlauk og hvítlauk og skerið smátt. Setjið tómata, sítrónubáta, skallottlauk og hvítlauk í lítinn pott. Bætið muldum kóríanderfræjum út í ásamt olíu. Hitið lítillega og kryddið síðan með salti og pipar.