Smjörsósa „Beurre Blanc“

Hráefni

» 4 stk. skalottlaukar

» 2 tsk. hvítvínsedik

» 4 tsk. hvítvín

» 1 dl rjómi

» 500 g ósaltað smjör

» salt og pipar

Aðferð

Afhýðið skalottlauka, skerið niður og setjið í pott með hvítvínsediki og hvítvíni. Sjóðið við vægan hita þar til þetta verður að sírópi. Bætið þá rjóma út í og sjóðið aðeins niður. Takið pottinn af hitanum. Hafið smjörið við stofuhita, í litlum teningum, og hrærið því saman við með písk, einum og einum bita í einu. Passið að blandan skilji sig ekki. Ef sósan kólnar á meðan verið er að elda skötuselinn má setja pottinn augnablik á eldavélarhellu, við vægan hita, og hræra stöðugt í á meðan.

Kryddjurtarísottó

Hráefni

» 350 g „arborio“ hrísgrjón, t.d. frá Tilda

» 1 lítri kjúklingasoð

» 85 g smjör

» 85 g parmesanostur

» 3 dl hvítvín

» 1 stk. laukur

» 2 stk. hvítlauksgeirar

» 15 stk. basilíkublöð

» 1 msk. timjan, ekki á greininni

» salt og pipar

Aðferð

Hitið kjúklingasoðið í potti. Afhýðið lauk og hvítlauk og skerið laukinn í litla bita. Rífið niður parmesanost. Bræðið smjör í öðrum potti og mýkið laukinn í smjörinu. Bætið hrísgrjónum út í þegar laukurinn er orðinn mjúkur og hrærið varlega í pottinum, í 3–4 mín. Varist að blandan brúnist. Hellið hvítvíni út í pottinn og sjóðið niður, þar til hvítvínið er gufað upp, hellið þá 1/4 hluta kjúklingasoðsins út í pottinn og sjóðið niður. Endurtakið þetta þar til soðið er uppurið. Takið hrísgrjónin, sem eiga að vera „al dente“, ekki fullsoðin, af hellunni og bætið parmesanosti saman við. Saxið basilíku og timjan smátt, hrærið saman við og kryddið að lokum með salti og pipar.