Lax og steinbítur með soja, engifer og chili

Hráefni

» Marinering

» 2 dl „Mesquite smoked chili“ frá Hot Spot

» 1/2 dl balsamedik

» 4 dl jómfrúarolía (Extra Virgin ólífuolía)

» 4 sm engiferrót

» 1/2 dl sojasósa

» 1 tsk. ferskt chilialdin

»

» 600 g steinbítsflök

» 600 g laxaflök

» 2 stk. rauðlaukar

» 1 stk. rauð paprika

» 1 stk. græn paprika

» salt og pipar

» grillpinnar

Aðferð

Setjið allt sem á að fara í marineringuna í matvinnsluvél og maukið.

Roð- og beinhreinsið steinbíts- og laxaflökin. Skerið fiskinn í álíka stóra bita til að grillunin verði sem jöfnust. Afhýðið rauðlauka og skerið í bita á stærð við fiskbitana. Fræhreinsið rauða og græna papriku og skerið í bita af svipaðri stærð. Raðið fiski og grænmeti til skiptis á grillpinna og leggið í marineringu í um 30 mín. Grillið síðan í 3–4 mín. á hvorri hlið og kryddið eftir smekk með salti og pipar. Ekki er nauðsynlegt að hafa annað meðlæti með þessum rétti en gott getur verið að bera hrísgrjón fram með og þá er hægt að minnka fiskmagnið.