Kampavínsbætt sjávarréttasúpa með saffrani

Hráefni

» 100 g lax

» 100 g skötuselur

» 200 g kræklingur

» 200 g humarhalar

» 1/2 flaska þurrt kampavín

» 1 lítri vatn

» 1 askja sjávarréttaostur, 250 g

» 2 stk. laukar

» 4 stk. hvítlauksgeirar

» 12 þræðir saffran

» 2 tsk. karrí

» 1 dós niðursoðnir tómatar (Stewed tomatoes)

» 1 msk. kjúklingakraftur

» 1 msk. fiskikraftur

» 2 tsk. „Dijon Provançe“ sinnep

» 2 1/2 msk. appelsínumarmelaði

» ólífuolía

» sjávarsalt og pipar

Fyrir 6

Aðferð

Uppskriftin miðast við sex manns.

Afhýðið lauk og hvítlauk, saxið og setjið í stóran pott ásamt ólífuolíu. Mýkið laukinn og bætið kampavíni og saffrani út í. Sjóðið niður um helming. Bætið niðursoðnum tómötum út í pottinn ásamt vatni. Setjið kjúklinga- og fiskikraft, krydd, sinnep, appelsínumarmelað i og sjávarréttaost saman við.

Sjóðið í um 10 mín. og bragðbætið með salti og pipar eftir smekk. Skerið fiskinn í hæfilega stóra bita og setjið út í pottinn, fyrst þær tegundir sem þurfa lengri eldunartíma. Látið suð-una koma upp. Bætið að lokum um 2 msk. af ólífuolíu saman við súpuna, skömmu áður en hún er borin fram.