Hvítvínskavíarsósa

Hráefni

» 1/2 stk. laukur

» 4 dl hvítvín

» 2 dl rjómi

» 200 g smjör við stofuhita

» 1 msk. rauður kavíar

Aðferð

Afhýðið lauk og saxið. Setjið laukinn í pott og mýkið í smá smjöri. Hellið hvítvíni út í pottinn og sjóðið niður um helming. Hellið rjómanum út í og sjóðið við vægan hita þar til sósan byrjar að þykkna. Takið pottinn af hitanum og pískið smjöri saman við. Setjið kavíarinn út í sósuna um leið og hún er borin fram.

Saltfiskfars

Hráefni

» 500 g saltfiskur, roðlaus og beinlaus

» 150 g kartöflur

» 1 stk. laukur

» 4 stk. hvítlauksgeirar

» mjólk

» svartur pipar

» smjörklípa

Aðferð

Hafið saltfiskinn vel útvatnaðan. Afhýðið kartöflur, lauk og hvítlauk. Saxið lauk og hvítlauk. Setjið saltfisk, kartöflur, lauk og hvítlauk í pott og hellið mjólk út í pottinn, þangað til rétt flýtur yfir. Sjóðið við vægan hita þar til kartöflurnar og fiskurinn eru soðin. Sigtið mjólkina frá og geymið.

Maukið fisk, lauk, hvítlauk og kartöflur í matvinnsluvél ásamt smávegis af mjólkinni. Ef maukið er of þykkt bætið þá meiri mjólk út í. Áferðin á að vera eins og þykkur plokkfiskur. Kryddið með grófmöluðum svörtum pipar og hrærið smjörklípu saman við.