Steinbíts-reyklaxapaté

Hráefni

» 1 kg steinbítsflök

» 1 stk. sítróna, börkurinn

» 1 stk. hvítlauksgeiri

» 1 stk. laukur

» 2 tsk. grænmetiskraftur

» 1 tsk. salt

» pipar

» 400 g reyktur lax

» 1 msk. dijon sinnep

» 2 sm engiferrót

» 20 stk. basilíkublöð

» 30 stk. spínatblöð

» 1 msk. basilíkuolía

» 4 stk. eggjahvítur

Aðferð

Roð- og beinhreinsið steinbítsflökin, maukið mjög vel í matvinnsluvél og setjið í skál. Rífið sítrónubörkinn með rifjárni. Afhýðið hvítlauk og lauk, maukið mjög vel í matvinnsluvél og setjið með maukaða fiskinum. Bætið grænmetiskrafti saman við og kryddið með salti og pipar. Leggið til hliðar og geymið.

Saxið engiferrótina mjög fínt. Maukið reykta laxinn í matvinnsluvél og bætið sinnepi og söxuðum engifer saman við. Setjið í skál og leggið til hliðar.

Sjóðið vatn í potti, um 2 dl, og setjið spínat og basilíkublöð út í vatnið þegar suðan er komin upp. Takið strax upp úr pottinum, snöggkælið og maukið í matvinnsluvél ásamt basilíkuolíu. Stífþeytið eggjahvíturnar, setjið 3 msk. í laxamaukið, restina í steinbítsmaukið og blandið varlega saman við með sleikju.

Skiptið steinbítsmaukinu í tvennt og setjið í sitt hvora skálina. Blandið spínat-basilíkumaukinu saman við helminginn af steinbítsmaukinu og rifna sítrónuberkinum saman við hinn helminginn. Takið formkökumót og smyrjið með olíu, setjið síðan græna maukið á botninn, laxamaukið þar ofan á og endið á því hvíta.

Hitið ofninn í 200°C og lækkið síðan hitann niður í 150°C þegar formið er komið í ofninn. Setjið vatn í ofnskúffu og formið þar í. Bakið í vatnsbaðinu í um 40 mín., og hafið álpappír yfir forminu. Berið fram með saffran-basilíkudressingu og t.d. ristuðu brauði eða grænu salati.

Þessi uppskrift er notuð í Saffran-basilíkudressing

Meðlæti