Austurlenskar fiskkökur

Hráefni

» 500 g ýsu- eða þorskflök

» 1 stk. hvítlauksgeiri

» 1 tsk. fiskisósa

» 2 tsk. „tom yum“-kryddmauk

» 3 msk. teriyaki

» 1 tsk. sesamfræ

» 1 msk. sesamolía

» 3 msk. ferskt kóríander

» 1/2 stk. rautt chilialdin

» 1/2 bolli hveiti

» salt

» 100 g strengjabaunir

» 1 stk. vorlaukur

» 2–3 msk. olía

Aðferð

Setjið fiskflökin í matvinnsluvél og maukið. Afhýðið hvítlauk og bætið honum ásamt fiskisósu, „tom yum“-kryddmauki, teriyaki, sesamfæjum og sesamolíu út í. Maukið vel. Saxið kóríander og chilialdin smátt, bætið saman við maukið og hrærið svo hveiti og smá salti saman við. Skerið strengjabaunir og vorlauk mjög smátt og bætið út í farsið. Mótið farsið í bollur og steikið í olíu á pönnu.