Falskar krabbakökur úr humri og hörpudiski

Hráefni

» 200 g hörpudiskur

» 200 g humarhalar, skelflettir

» 200 g surimi (krabbalíki)

» 1 stk. egg

» 1 dl majónes

» 1 msk. dijon sinnep

» 1/3–1/2 stk. rautt chilialdin

» lítið búnt steinselja

» 1–2 stk. hvítlauksgeirar

» gróft sjávarsalt

» svartur pipar úr kvörn

» 12–15 stk. saltkexkökur, t.d. frá Ritz

Aðferð

Látið hörpudisk og humar í pott með léttsöltu sjóðandi vatni. Sjóðið í um 11/2 mín. Takið upp úr og kælið. Saxið hörpudisk, humar og surimi, eða rífið gróft niður. Látið í skál og geymið þar til síðar.

Afhýðið hvítlauk og fræhreinsið chilialdin. Saxið hvítlauk og chili fínt ásamt steinselju. Hrærið saman við majónes, egg og sinnep. Saltið og piprið vel.

Myljið saltkexið út í sósuna. Hrærið saman og setjið skelfiskinn saman við. Látið smjörpappír í ofnskúffu. Mótið 12 jafnstórar bollur með skeið og lófa og látið á smjörpappírinn. Setjið í kæli í um 1 klst. þetta má útbúa með góðum fyrirvara.

Hitið ofninn í 180°C og bakið í 16–18 mín. eða þar til kökurnar hafa fengið skorpu og bakað yfirborð. Takið krabbakökurnar með spaða úr ofnskúffunni og látið á diska ásamt salati og chili-sinnepsmajónesi.

Þessi uppskrift er notuð í Chili-sinnepsmajónes:

Meðlæti