Laxa- og spínat-„terrine“ með rúkólapestói

Hráefni

» 700 g laxaflök

» 3 msk. skalottlaukur

» 1 msk. smjör

» 1/2 bolli Noilly Prat (þurr vermút)

» 4 dropar tabascosósa

» 1 stk. egg

» 1 tsk. salt

» 1/4 tsk. hvítur pipar, nýmalaður

» 375 ml rjómi

» 250 g fersk spínatblöð

Aðferð

Afhýðið og saxið skalottlauk mjög fínt. Bræðið smjörið í potti og mýkið laukinn, án þess að brúna. Bætið vermút út í og sjóðið niður. Roð- og beinhreinsið laxaflökin, setjið í matvinnsluvél og maukið fínt. Setjið laukmaukið, tabascosósu, egg, salt og pipar í matvinnsluvélina með laxinum. Hafið vélina í gangi og hellið rjómanum rólega út í og maukið þar til þetta verður silkimjúkt.

Takið spínatblöðin af stilkunum. þyngd spínatblaðanna, án stilka, á að vera 250 g. Setjið spínatblöðin ofan í sjóðandi vatn í um 40 sek. og svo beint í kalt vatn. þerrið spínatblöðin. Skiljið helming laxablöndunnar eftir í matvinnsluvélinni, setjið spínatið saman við og maukið vel. Forhitið bakarofn í 150°C. Smyrjið „terrine“-form eða formkökuform með olíu. Setjið helminginn af laxamaukinu í formið og gerið rauf, langsum í maukið. Setjið spínatmaukið í raufina og síðan restina af laxamaukinu yfir. Smyrjið olíu á bökunarpappír og setjið yfir formið svo farsið þorni ekki. Setjið formið í ofnskúffu og hellið vatni í skúffuna, um 2 sm upp á formið. Setjið kjöthitamæli í farsið og bakið í ofni í um 50 mín. eða þar til mælirinn sýnir kjarnhita 60°C.

Þessi uppskrift er notuð í Rúkólapestó:

Meðlæti