Saltfisksstappa

Hráefni

» 1 kg saltfiskur, útvatnaður

» 500 g kartöflur

» 250 g laukur

» 1 stk. hvítlauksgeiri

» 200 g smjör

» 2 msk. basilíkuolía

Aðferð

Setjið vatn í pott. Afhýðið kartöflur, skerið í teninga og sjóðið. Bætið saltfiski út í eftir að kartöflurnar hafa soðið í 10 mín. Afhýðið lauk og hvítlauk. Skerið laukinn miðlungsgróft og sneiðið hvítlaukinn gróft. Bræðið smjör á pönnu og steikið laukana í því, passið að hafa ekki of háan hita því best er að mýkja laukana í kraumandi smjörinu, ekki brúna. Sjóðið kartöflurnar og saltfiskinn saman í 10 mín. og sigtið síðan vatnið frá. Blandið lauknum útí og setjið andartak í matvinnsluvél svo að stappan verði ekki seig. það er líka hægt að setja bara laukinn í matvinnsluvél, stappa fiskinn og blanda svo saman. Hellið að lokum baslíkuolíunni yfir og blandið. Saltfiskstöppuna er hægt að borða strax, baka í eldföstu móti með osti yfir eða setja á milli steiktra kartafla eins og lýst er hér við hliðina.

Þessi uppskrift er notuð í Steiktar kartöflur

Meðlæti