Bakaður saltfiskur

Hráefni

» 1 kg saltfiskhnakkar, útvatnaðir

» 2 msk. furuhnetur

» 2 msk. japanskt brauðrasp (panko)

» 2 stk. stórir laukar

» 4 stk. hvítlauksgeirar

» 2 msk. ólífuolía

» pipar

» 2 msk. ferskt timjan

» 1 stk. rauð paprika

» 200 g niðursoðin þistilhjörtu

» 4 msk. rifinn parmesanostur

» 8 stk. kirsuberjatómatar

» 20 stk. stórar grænar ólífur

» 2 msk. ferskt oregano

» 2–3 msk. ólífuolía

Aðferð

Myljið furuhneturnar og blandið þeim saman við japanska brauðraspið. Veltið saltfiskinum upp úr blöndunni og steikið augnablik í olíu á vel heitri pönnu. Setjið fiskinn í smurt eldfast mót.

Afhýðið lauk og hvítlauk. Skerið hvítlaukinn gróft út í ólífuolíuna, hellið helmingnum yfir saltfiskinn, stráið pipar og timjani yfir. Skerið paprikuna í fernt eftir endilöngu, fræhreinsið, setjið í eldfasta mótið með saltfiskinum og bakið við 200°C í 15 mín.

Maukið þistilhjörtun í matvinnsluvél og blandið parmesanosti saman við. Steikið laukinn á pönnu, í restinni af hvítlauksolíunni. Skerið tómata og ólífur til helminga og setjið á pönnuna þegar laukurinn er svo til tilbúinn og stráið þá oregano yfir. þegar rétturinn hefur verið 10 mín. í ofninum, takið þið paprikurnar út og fyllið með þistilhjartarmaukinu, setjið aftur inn í ofninn og bakið í 5 mín. til viðbótar með saltfiskinum. Setjið laukmaukið á diska, svo saltfisk og leggið svo paprikubita yfir.