Saltfiskur með gljáðum lauk

Hráefni

» 800 g úrvals saltfiskur, útvatnaður

» 4 msk. hveiti

» 1 dl ólífuolía til steikingar

» hvítur pipar úr kvörn

»

» Meðlæti

» 2–4 stk. laukar

» 2 msk. smjör

» 4 stk. bökunarkartöflur

» 1/2 dl rjómi

» 2 msk. sinnep

» gróft sjávarsalt og hvítur pipar

Aðferð

Skerið saltfiskinn í jafna bita og veltið upp úr hveiti. Látið alla ólífuolíuna í djúpa pönnu og hitið vel. Athugið að olían þarf að vera mjög heit. Steikið saltfiskinn upp úr heitri olíunni fyrst á annarri hliðinni og síðan á hinni, snúið aðeins einu sinni við á meðan á steikingu stendur. Ef saltfiskurinn er ekki fullsteiktur, en orðinn gullinbrúnn og stökkur að utan, setjið hann þá inn í heitan ofn í nokkrar mín. Kryddið með pipar eftir smekk.

Meðlæti

Afhýðið lauk og skerið í sneiðar. Bræðið smjörið í potti og sjóðið laukinn í smjörinu í um 20 mín., við vægan hita. Hrærið stöðugt í með sleif þar til að laukurinn er orðinn gullinbrúnn og sætur. Saltið og piprið eftir smekk.

Bakið kartöflurnar í ofni. Hreinsið innan úr hýðinu með skeið og látið í pott. Hellið rjóma út í og bætið sinnepi saman við. Hrærið gróflega saman og saltið og piprið eftir smekk.

Þessi uppskrift er notuð í Kryddsmjör

Meðlæti