Saltfisk- og kartöflulasagne

Hráefni

» 1 kg saltfiskur, roð- og beinlaus

» 3 stk. hvítlauksgeirar

» 2 stk. rauðlaukar

» 1 stk. rauð paprika

» 2–3 msk. olía

» 3 dósir tómatsósa frá

» Hunt's (400 g hver dós)

» salt og pipar

» 1 kg bökunarkartöflur

» 150 g ostur

Aðferð

Saltfiskurinn þarf að vera meira útvatnaður en fyrir venjulega suðu og þarf því að bæta einum sólahring við útvötnunina. Afhýðið hvítlauksgeira og rauðlauka og skerið niður. Fræhreinsið paprikuna og skerið í um 1 x 1 cm bita. Mýkið hvítlauk, rauðlauk og papriku í olíu í potti. Bætið tómatsósunni út í þegar grænmetið er orðið mjúkt. Kryddið með salti og pipar og sjóðið við vægan hita í um 15 mín. Afhýðið kartöflurnar á meðan sósan sýður og skerið þær í fínar sneiðar um 0,5 cm þykkar. Skerið saltfiskinn í lófastóra bita. Smyrjið eldfast mót og setjið hráefnið í lögum í mótið eins og gert er með hefðbundið lasagne. Setjið fyrst sósu á botninn, síðan kartöflusneið ar og svo saltfisk. Endurtakið þetta þar til allt hráefnið er komið í mótið. Bakið í ofni í 45 mín., setjið þá ostinn yfir og bakið áfram í 15 mín. Gott er að bera ferskt salat fram með þessum rétti.