Rauðvínssósa

Hráefni

» 1/2 stk. rauðlaukur

» 2 dl fiskisoð

» 1 dl rauðvín

» 1 dl hvítvín

» örlítið balsamedik

» örlítið hunang

Aðferð

Afhýðið og saxið rauðlauk og snöggsteikið á pönnu. Bætið fiskisoði, rauðvíni, hvítvíni, balsamediki og hunangi saman við og sjóðið niður. Ef sósan er of þunn má þykkja hana með sósujafnara eða maizenamjöli. Sósuna má líka bragðbæta með kjötkrafti.

Villisvepparísottó

Hráefni

» 1 bolli arborio hrísgrjón frá Tilda

» 1 msk. þurrkaðir villisveppir

» púrtvín

» 1/4 stk. laukur

» 2 stk. meðalstórir sveppir

» 4–5 dl kjötsoð

» 1 dl rjómi

» kjötkraftur

Aðferð

Leggið villisveppina í bleyti í púrtvín yfir nótt, án þess að drekkja þeim! Afhýðið lauk. Saxið niður villisveppi, lauk og sveppi. Snöggsteikið lauk og ferska sveppi í smjöri og bætið villisveppunum saman við ásamt hrísgrjónunum. Steikið lítillega og bætið kjötsoðinu út í, þannig að rétt fljóti yfir hrísgrjónin.

Sjóðið við vægan hita og bætið soði saman við eftir þörfum. þegar hrísgrjónin eru næstum soðin hellið þá rjómanum út í, hrærið í og sjóðið áfram. Ef rísottóið er of þykkt er soði og rjóma bætt út í. Bragðbætið með kjötkrafti eftir smekk.

Rauðlaukskompott

Hráefni

» 2 stk. rauðlaukar

» 1 dl rauðvín

» 1 msk. sykur

» 1/2 dl balsamedik

Aðferð

Afhýðið rauðlaukana, skerið í ræmur og snöggsteikið á pönnu, án þess að brúna. Bætið rauðvíni, sykri og balsamediki á pönnuna og sjóðið við vægan hita þar til rauðlaukurinn er orðinn meir og vökvinn næstum gufaður upp.