„Piri piri“ steinbítur

Hráefni

» 1 kg steinbítshnakkar

» 1 stk. stór hvítlauksgeiri

» 1 dl ólífuolía

» 1 msk. grænmetiskraftur

» 1 dl lime-safi, og börkur

» 2 sm engiferrót

» 1 stk. stór agúrka

» 1 haus rómanósalat

» 1 bakki baunaspírur

» 4 msk. „piri piri“ krydd

» 200 g sýrður rjómi

» 2 msk. sæt chili „dip“ sósa

» 2–3 msk. olía

» pipar

» Maldon salt

Aðferð

Rífið börkinn af lime ávextinum með þar til gerðu áhaldi, pressið safann og blandið saman berki og safa. Afhýðið engiferrótina og rífið frekar fínt. Skerið agúrkuna til helminga eftir endilöngu og síðan hvern helming í fernt. Skerið rómanósalathausinn á sama hátt og setjið í skál með agúrku, engifer, baunaspírum og lime-safa. Stráið „piri piri“ kryddi yfir steinbítinn og steikið í olíu á pönnu. Skiptið salatinu niður á fjóra diska. Setjið steinbítinn ofan á salatið og kryddið með pipar og salti. Setjið sýrða rjómann ofan á steinbítinn og sætu chili „dip“ sósuna í dropum yfir.