Skötuselskinnar með teriyaki

Hráefni

» 1 kg skötuselskinnar

» 2 stk. hvítlauksgeirar

» 1 dl ólífuolía

» 1 stk. laukur

» 1 stk. rauðlaukur

» 150 g kasjúhnetur

» 2 dl sesamfræ

» salt og pipar

» 100 g snjóbaunir

» 3 stk. niðurlögð chili-paprika („peppedue“)

» 200 ml teriyaki

» 1 msk. hunang

» 1 tsk. grænmetiskraftur

» 10 stönglar graslaukur

Aðferð

Hreinsið skötuselskinnarnar og þerrið. Afhýðið hvítlauk og pressið út í olíuna. Afhýðið og skerið niður lauk og rauðlauk. Ristið kasjúhnetur á þurri pönnu og leggið til hliðar. Hellið smávegis af hvítlauksolíunni yfir skötuselskinnarnar, veltið þeim síðan upp úr sesamfræjum og kryddið með salti og pipar. Steikið kinnarnar stutta stund í olíu á báðum hliðum og takið síðan af pönnunni.

Steikið lauk, rauðlauk og snjóbaunir létt. Saxið niður chili-paprikuna, hellið teriyaki á pönnuna og látið suðuna koma upp. Bætið hunanginu saman við og lækkið hitan. Kryddið með grænmetiskrafti, setjið kinnarnar aftur á pönnuna og látið sjóða við hægan hita í stutta stund. Setjið skötuselskinnarnar á fat og stráið kasjúhnetum og gróft skornum graslauk yfir.