„Panneraður“ sverðfiskur

Hráefni

» 1 kg sverðfiskur, í 8 hlutum

» 2–3 msk. olía

» salt og pipar

» 1 msk. grænmetiskraftur

»

» Kryddlögur

» 2 stk. hvítlauksgeirar

» 1 dl ólífuolía

»

» Rasp

» 1 msk. sólþurrkað chili

» 1 tsk. fenníkufræ

» 1 msk. grænn pipar

» 2 msk. kóríanderfræ

» 2 msk. sinnepsfræ

» 4 msk. japanskt rasp (pankó)

»

» Ansjósumauk

» 1 stk. rauðlaukur

» 1 stk. laukur

» 1 búnt vorlaukur

» 4 stk. sólþurrkaðir tómatar

» 4 stk. tómatar

» 2 msk. kapers

» 1 dós ansjósur

» 1/2 búnt oregano

» 20 stk. svartar ólífur

Aðferð

Búið til hvítlauksolíu með því að pressa hvítlauksgeirana út í ólífuolíuna. Leggið sverðfiskinn á fat og hellið um helmingi olíunnar yfir. Blandið raspið; myljið sólþurrkað chili, fenníkufræ og grænan pipar smátt. Blandið saman við kóríanderfræ, sinnepsfræ og pankó rasp.

Látið bíða þar til þið steikið sverðfiskinn.

Útbúið nú ansjósumaukið. Skerið ólífurnar í tvennt. Afhýðið og skerið lauk og rauðlauk í helminga og síðan í sneiðar. Sneiðið vorlauk og steikið síðan laukana mjög stutta stund á pönnu, í helmingnum af hvítlauksolíunni. Best er að hafa laukinn ekki of mjúkan. Saxið sólþurrkuðu tómatana og fersku tómatana og bætið á pönnuna. þerrið kapers og ansjósur og setjið saman við ásamt helmingnum af oregano og ólífum. Takið af hitanum. Veltið nú sverðfisknum upp úr raspinu og steikið í olíu á pönnu. Passið ykkur á að steikja hann ekki of lengi, því hann á að vera frekar lítið steiktur. þegar sverðfiskurinn er næstum tilbúinn, hitið þá ansjósumaukið og setjið á disk. Leggið sverðfiskinn ofan á og stráið helmingnum af oreganoblöð unum yfir. Gott er að djúpsteikja oreganoblöðin þá verða þau skemmtilega stökk. Gerið það áður en þið steikið sverðfiskinn og látið á pappír eftir steikingu, til að þau verði fallega stökk og þurr. Stráið þeim síðan yfir réttinn. Kryddið í lokin með grænmetiskrafti, salti og pipar.