Lax með „shiitake“-sveppum og ostrusósu

Hráefni

» 1 kg laxaflök

» 2 stk. hvítlauksgeirar

» 1 dl ólífuolía

» 2 stk. appelsínur, safinn

» 1 stk. sítróna, safi og börkur

» 1 búnt vorlaukur

» 10 stk. „shiitake“ sveppir

» 1 stk. rauðlaukur

» 2 stk. lime-blöð (kaffír)

» 2 msk. hunang

» 200 ml ostrusósa

» 20 stk. mintublöð

» 1 haus blaðkál (pak choi)

» pipar og salt

Aðferð

Afhýðið hvítlauk og pressið út í ólífuolíuna. Setjið um 2 tsk. af hvítlauksolíunni í pott. Saxið lime-blöðin smátt. Rífið niður sítrónubörk. Pressið safann úr sítrónunni og appelsínunum og setjið í pottinn með hvítlauksolíunni, ásamt hunangi, söxuðum limeblöð um og ostrusósu. Hitið að suðu og takið pottinn af hellunni.

Skerið laxaflökin í 20 jafna bita og kryddið með salti og pipar. Athugið að ostrusósan er sölt svo fara þarf sérstaklega varlega með saltið. Hellið hvítlauksolíu yfir laxinn. Afhýðið rauðlauk, skerið í tvennt og síðan í sneiðar, langsum. Skerið niður vorlauk og sveppi og saxið mintuna. Steikið laxinn í olíu á pönnu, bætið síðan lauk, blaðkáli og sveppum á pönnuna. Hellið sósunni á pönnuna þegar þetta er tilbúið og látið suðuna koma upp. Stráið vorlauk og mintu yfir. Það er gott að bera réttinn fram með hrísgrjónum eða núðlum.