Sjávarréttir í rauðu karríi

Hráefni

» 8 stk. risarækjur

» 400 g skötuselur

» 400 g laxaflök

» 8 stk. risahörpudiskur

» 1 stk. blaðkál (pak choi)

» 4 stk. sveppir

» 1 stk. laukur

» 1 búnt vorlaukur

» 1/2 búnt kóríander

» salt og pipar

» 100 g hveiti

» 2–3 msk. olía

» 1 bakki baunaspírur

» Karrísósa

» 1 stk. stór hvítlauksgeiri

» 2 sm engiferrót

» 4 msk. rautt tælenskt karrímauk

» 400 ml kókosmjólk

» 3 stk. lime-blöð

Aðferð

Byrjið á að búa til karrísósuna. Afhýðið hvítlauk og engifer og skerið í litla bita. Hitið pönnu og setjið karrímauk á pönnuna, bætið hvítlauk og engifer út í ásamt lime-blöðum. Hellið kókosmjólk á pönnuna. Sjóðið við vægan hita í nokkrar mín.

Hreinsið blaðkálið og skerið gróft. Skerið sveppina í fernt. Afhýðið lauk, skerið hann niður ásamt vorlauk og saxið kóríander og leggið þetta til hliðar.

Skerið lax og skötusel í 50 g bita og skelflettið rækjur ef þær eru í skelinni. Setjið fiskinn á disk ásamt hörpudiski og kryddið með salti og pipar. Veltið fiskinum upp úr hveiti og steikið örstutt í olíu á wok pönnu. Bætið sveppum og blaðkáli á pönnuna. Hellið karrísósunni yfir og látið suðuna koma upp. Bætið vorlauk og baunaspírum saman við og stráið kóríander yfir. Berið réttinn fram með hrísgrjónum.