Kryddjurtarísottó

Hráefni

» 2–3 stk. skalottlaukar

» 2–4 stk. hvítlaukar

» 3 msk. smjör

» 250 g ítölsk rísottó hrísgrjón

» 2–3 msk. saxaðar blandaðar kryddjurtir, t.d. steinselja, basilíka,

» graslaukur og estragon

» 1 dl hvítvín

» 4 dl hænsnakjötsoð

» gróft sjávarsalt

» hvítur pipar

» jómfrúarolía (Extra virgin ólífuolíu t.d. frá Monte Vibiano)

Aðferð

Saxið skalottlauk smátt ásamt hvítlauk. Bræðið smjörið í potti og sjóðið laukinn þar í við vægan hita. Látið hrísgrjónin og kryddjurtirnar út í pottinn og blandið öllu vel saman. Hafið yfir hitanum þar til grjónin eru orðin „glær“. Hellið þá víninu yfir og smáhluta af hænsnasoðinu. Sjóðið saman við vægan hita og bætið soði smátt og smátt út í eftir því sem grjónin drekka í sig vökvann. Haldið þessu áfram þar til grjónin eru soðin, eftir samtals um 18 mín. Athugið að ef það þarf meiri vökva þá er í lagi að bæta smá vatni saman við. Saltið og piprið eftir smekk.

Hrísgrjón í rísottó eiga að vera nákvæmlega soðin „al dente“ eins og ítalir segja – „stökk undir tönn“. Ítalir nota líka alltaf smjör í rísottó. Skýringin er sú að rísóttó er upprunnið í landbúnaðarhéruðum Pósléttunnar þar sem smjör er mikið notað í matargerð.