Steinbítur í möndlukryddhjúp með rúkólasalati

Hagkaup | mbl | 16. ágúst

Hráefni: » 800 g steinbítsflök; » 11/2 dl brauðrasp; » 1 dl möndlur; » 2 dl blandaðar kryddjurtir; kóríanderlauf, steinselja og graslaukur; » 2 stk. egg; » 1 msk. dijon sinnep; » hnífsoddur cayennepipar; » salt

Fyrir 4

Aðferð

Roðflettið og snyrtið steinbítsflökin og skerið í jafna bita. Saxið möndlurnar fínt. Hakkið rasp, möndlur og kryddjurtir saman í matvinnsluvél. Sláið eggin út á djúpum diski ásamt sinnepi, cayennepipar og salti. Þerrið fiskinn vel á eldhúspappír og dýfið í eggjahræruna. Látið síðan í kryddaða raspið og hjúpið vel. Þrýstið létt á allan fiskinn svo kryddraspið festist betur.

Steikið steinbítinn upp úr ólífuolíu á pönnu, á báðum hliðum. Setjið fiskinn inn í ofn og hafið þar í nokkrar mín. við 170°C. Einnig er mjög gott að djúpsteika fiskinn.

Þessi uppskrift er notuð í Rúkólasalat

Meðlæti

Rúkólasalat

Hráefni: » 2 búnt rúkólasalat; » 4 stk. tómatar; » 200 g soðnar kartöflur; » 1/3–1/2 stk. rautt chilialdin; » 3–5 stk. hvítlauksgeirar; » 4 msk. möndluflögur; » 1 msk. kóríanderfræ; » lítið búnt kóríander; » 1 dl jómfrúarolía (Extra virgin ólífuolía t.d. frá M. Vibiano); » gróft sjávarsalt; » svartur pipar úr kvörn

Aðferð

Hreinsið rúkólasalatið vel og slítið burt stilkana. Skerið tómatana fyrst í fernt, fjarlægið kjarna og skerið í teninga. Blandið tómötunum saman við rúkólasalatið. Skerið soðnu kartöflurnar í sneiðar og steikið á pönnu. Saltið og piprið eftir smekk. Látið.ær heitar á djúpan disk og rúkólasalatið þar yfir. Saxið chili og hvítlauk smátt og setjið ásamt ólífuolíu í matvinnsluvél. Setið í skál. Ristið möndluspæni og kóríanderfræin á þurri viðloðunarfrírri pönnu og setið heitt út í krydduðu ólífuolíuna. Hakkið kóríanderlaufin smátt og bætið saman við. Saltið og piprið eftir smekk. Gætið þess að halda dressingunni vel volgri og setjið hana jafnt út á rúkólablönduna og kartöflurnar. Leggið stökksteikta steinbítinn þar ofan á.

Slóð á uppskrift: http://mbl.is/smartland/matur/u/739/