Basilíku- hvítvínsrjómasósa

Hráefni

» 2 stk. skalottlaukar

» 1 dl hvítvín

» 1 dl kjúklinga- eða fiskisoð

» 2 dl rjómi

» 1 búnt basilíka

» 4 stk. plómutómatar

» 1 stk. sítróna, safinn

» salt og hvítur pipar úr kvörn

Aðferð

Afhýðið og saxið skalottlauk fínt. Sjóðið hann í hvítvíni og soði þar til næstum 1/3 hluti vökvans er eftir. Bætið þá rjóma út í og sjóðið áfram þar til bragðið hefur þést og sósan þykknað.

Skerið kross í tómatana og setjið í sjóðandi vatn í um hálfa mínútu og síðan beint í ískalt vatn, þannig að hýðið losni af. Flysjið tómatana, skerið í fjóra báta og fjarlægið kjarna. Skerið tómatana í bita og setjið út í rjómasósuna. Hakkið basilíkuna og látið út í. Bragðið á og bætið örlitlum sítrónusafa saman við heita sósuna og gætið þess að hún sjóði ekki eftir það. Saltið og piprið eftir smekk. Berið skötuna fram með sósunni, nýjum kartöflum og grænmeti.