Ýsa fyllt með camembert

Hráefni

» 800 g ýsusporðar

» 1 stk. camembertostur

» 100 g hveiti

» 2 stk. egg

» 200 g brauðrasp

» smjörlíki eða ólífuolía

» salt

» 4 dl béarnaisesósa

» rifinn ostur

Aðferð

Roðflettið ýsusporðana og bankið þangað til þeir eru jafnir að þykkt. Skerið camembertostinn í fjórar sneiðar og setjið eina sneið á miðju hvers sporðs. Vefjið fiskinum utan um ostsneiðarnar, brettið upp á hliðunum og veltið upp úr hveiti, svo eggi og síðast raspi.

Steikið ýsuna á pönnu í miklu smjörlíki eða olíu í um 3 mín. á hvorri hlið og kryddið með salti. Athugið að hafa ekki of mikinn hita á pönnunni. Setjið ýsuna í eldfast fat. Setjið béarnaisesósu yfir. Stráið rifnum osti yfir og setjið fiskinn undir grill í bakarofni þar til hann verður gullinbrúnn. †suna má líka djúpsteikja í olíu en þá er stykkjunum fyrst dýft í orly-deig. Gætið þess að hafa djúpsteikingarolíuna ekki of heita.

Berið ýsuna fram með kartöflum eða hrísgrjónum.