Smálúða í bökunarpappír

Hráefni

» 800 g smálúðuflök

» salt og pipar

» 1 stk. lítill laukur

» 1 búnt vorlaukur

» 6 stönglar dill

» 1 stk. sítróna

» 1 tsk. rósapipar

» 1 tsk. fenníkufræ

» 1 msk. smjör

» bökunarpappír

Aðferð

Klippið bökunarpappír í fjórar 30 x 30 sm arkir. Hafið smálúðuflökin í fjórum álíka stórum stykkjum. Leggið smálúðuna á bökunarpappírinn og kryddið með salti og pipar. Afhýðið lauk, skerið í tvennt, svo í sneiðar og setjið yfir lúðuna. Saxið vorlauka og dill og setjið yfir. Skerið sítrónuna í fjórar sneiðar, hreinsið steinanna úr eins og hægt er. Setjið sítrónusneiðarnar með lúðunni í pappírnum og stráið rósapipar og fenníkufræjum yfir. Skiptið smjörinu í fernt og setjið ofan á. Lokið pappírnum með því að taka í hornin og snúa vel upp á þau. Bakið neðarlega í ofni, við 180°C, í um 17 mín. Varist að elda við mikinn yfirhita vegna brunahættu.