Rísottó með blönduð um fiski og skelfiski

Hráefni

» 350 g ítölsk rísottóhrísgrjón

» 3–4 stk. skalottlaukar

» 1–2 stk. hvítlauksgeirar

» 2 msk. smjör

» 1 dl hvítvín

» 1–1,2 l kjúklinga- eða fiskisoð

» hnífsoddur saffran

» 2 dl rjómi

» 400 g blandaður fiskur og skelfiskur: t.d rækjur, humar, hörpudiskur, smokkfiskur, skötuselur og lúða

» 300 g spínat

» 1 dós niðursoðnir tómatar

» 2 msk. balsamedik

» 1 msk. hlynsíróp

» 1 búnt fersk basilíkulauf

» salt og hvítur pipar

» parmesanostur, rifinn

Aðferð

Afhýðið og fínsaxið lauk og hvítlauk. Látið smjör í víðan pott og bræðið við lágan hita. Látið saxaða laukinn þar út í og létt steikið í um 2 mín., án þess að laukurinn og smjörið brúnist. Hrærið stöðugt í með sleif. Bætið grjónunum út í og hrærið enn í. Þegar hrísgrjónin eru orðin „glær“ hellið þá hvítvíninu saman við og smávegis af soði. Hafið ávallt frekar lágan hita en náið samt suðu! Hrærið stöðugt í með sleif. Athugið að við rísottógerð þarf að vera yfir pottinum allan tímann og hræra. Bætið soðinu smátt og smátt út í.

Skerið fiskinn í hæfilega bita. Þegar hrísgrjónin hafa soðið í um 12 mín. og enn er verið að bæta út í soði. Látið þá saffran.ræðina saman við ásamt fiski, nema þeim sem viðkvæmastur er eins og t.d. lúða. Haldið áfram að bæta vökva út í pottinn eða þar til grjónin eru nákvæmlega soðin. Það tekur um 18 mín. og athugið að grjónin eiga að vera stökk undir tönn. Saltið og piprið eftir smekk.

Takið niðursoðnu tómatana og látið í matvinnsluvél. Hellið balsamediki og hlynsírópi yfir. Setjið basilíkuna út í pottinn og hrærið lauslega í pottinum. Látið tómatsósuna á botninn á eldföstu formi og leggið spínatblöðin þar ofan á. Látið rísottóið ofan á og smyrjið vel út í kantana í jafnt lag. Stráið að lokum parmesanosti yfir og bakið í ofni þar til osturinn er orðin gullinbrúnn. Athugið að þennan rétt má gera fyrirfram og hita svo upp í ofni. Hann hentar vel á hlaðborð.