Ofnbakað ýsuflak með basilíku

Hráefni

» 1 stk. meðalstórt ýsuflak

» 1 stk. sítróna

» lítið búnt basilíka eða steinselja

» 2 msk. jómfrúarolía t.d. frá Monte Vibiano

» 120 g kirsiberjatómatar

» 120 g smáspínat

» 60 g ætiþistlar

» 60 g svartar ólífur, steinlausar

» gróft sjávarsalt

» hvítur pipar úr kvörn

Fyrir 2

Aðferð

Roð- og beinhreinsið ýsuflakið. Raspið örlítið yst utan af sítrónunni, í um 1/2 teskeið. Hakkið basilíku eða steinselju fínt. Kreistið safann úr 1/2 sítrónu og blandið saman við ólífuolíuna. Veltið ýsuflakinu upp úr blöndunni. Skerið kirsiberjatómatana í tvennt. Leggið smáspínatið í botninn á eldföstu móti og dreifið tómötunum þar yfir ásamt ætiþistlum og ólífum. Leggið ýsuflakið þar yfir og saltið og piprið eftir smekk.

Bakið í ofni við 140°C í um 20 mín. Berið fram með nýjum soðnum kartöflum. Uppskriftin miðast við tvo.