Bleikja bökuð undir krydduðu kús kús

Hráefni

» 800 g bleikjuflök

» 1/4 –1/2 stk. chilialdin

» 150 g forsoðið kús kús

» 11/2 dl vatn

» 1/2 dl jómfrúarolía (Extra virgin olífuolía t.d. frá Monte Vibiano)

» 3–5 stk. hvítlauksgeirar

» 2 sm engiferrót

» 1 tsk. steytt cuminfræ

» 1/2 tsk. steytt kóríanderfræ

» 1/2 tsk. steytt kardimommufræ

» gróft sjávarsalt

» hvítur pipar úr kvörn

Aðferð

Beinhreinsið og snyrtið bleikjuflökin. Fræhreinsið chili og skerið smátt. Afhýðið og saxið hvítlauk og flysjið og saxið engifer. Látið vatnið og ólífuolíuna saman í pott og látið suðuna koma upp. Bætið forsoðnu kús kús þar út í ásamt chili, engifer, hvítlauk og kryddi. Hrærið saman. Takið pottinn af hitanum og setjið lok á pottinn. Látið standa í 10 mín. Athugð að þessi blanda á að vera aðeins blaut. Látið bleikjuna í eldfast form og lag af krydduðu kús kús ofan á flökin. Bakið í ofni við 140°C í um 20 mín.

Berið fram með stökku blönduðu salati sem hefur verið snúið upp úr „balsamíkó vínagrettu“ í hlutföllunum: 4 hlutar jómfrúarolía á móti 1 hluta af balsamediki, ásamt grófu sjávarsalti eftir smekk. Uppskriftin miðast við fjóra