Þorskur með kryddjurtahjúp

Hráefni

» 1 kg þorskflök

»

» Kryddjurtahjúpur

» 60 g smjör

» 175 g brauðrasp, ekki litað

» 50 g steinselja

» 100 g parmesanostur

» 15 g mozzarellaostur (má sleppa)

» 10 stk. basilíkulauf

» 1 tsk. timjanlauf

» salt og pipar

» smjörpappír

Aðferð

Roð- og beinhreinsið þorskflökin og skerið í jafna bita. Blandið öllu sem talið er upp í kryddjurtahjúpsuppskriftinni saman í matvinnsluvél og maukið vel. Kryddið með salti og pipar. Setjið maukið á smjörpappír, leggið annan smjörpappír yfir og fletjið síðan út með kökukefli þar til hæðin á maukinu er um 1/2 sm. Setjið þetta í frysti í um 20 mín. eða þar til maukið er orðið sæmilega stíft. Takið þá efri pappírsörkina af og skerið kryddjurtahjúpinn í bita sem passa á fiskstykkin. Saltið fiskinn, setjið hjúpinn ofan á og bakið í ofni við 180°C í 12–15 mín.

Gott er að bera tómat- og sítrónuolíu og steikta polentu fram með þessum rétti.