Innbakaðar rækjur með camembert

Hráefni

» 340 g rækjur

» 1 búnt steinselja

» 1 búnt basilíka

» 70 g camembertostur

» salt og pipar

» 1 pakki frosið smjördeig

» 1 stk. egg

Aðferð

Setjið rækjurnar í skál. Saxið steinselju og basilíku smátt og setjið yfir. Skerið camembertostinn í litla bita og bætið út í skálina. Hrærið vel saman og kryddið með salti og pipar. þýðið smjördeigið og skerið út 4 hringi, um 8 sm í þvermál. Finnið ykkur lítið ílát, t.d. lítinn bolla sem þið getið þrýst rækjublöndunni í og síðan hvolft úr á smjördeigshringana. Gætið þess að nóg pláss sé á jöðrunum þannig að hægt sé að festa lokið á. Búið lokið til með því að skera út hringi sem ná yfir rækjurnar og niður á botninn. Hrærið eggið með gaffli og penslið jaðrana á botninum. Setjið smjördeigslokin yfir og þrýstið þeim fast niður með gaffli, allan hringinn, til að festa botn og lok saman. Penslið bökurnar með eggi. Bakið í ofni í um 15 mín. við 180°C eða þar til bökurnar eru gullinbrúnar.

Þessi uppskrift er notuð í Sítrónu- og kryddjurtasósa

Meðlæti