Appelsínumarineruð bleikja „ceviche“

Hráefni

» 200 g bleikja

» 2 stk. appelsínur, safinn

» 11/2 stk. sítróna, safinn

» sjávarsalt

» hvítur pipar

» 1 stk. appelsína

» 1/2 stk. rauðlaukur

» 1/2 stk. rautt chilialdin

» 6 stk. kirsiberjatómatar, þroskaðir

» 1 msk. sesamolía

» 1 tsk. sojasósa

» 1 msk. sætt mirin (japanskt hrísgrjónavín)

» 1 msk. minta

» 1 bátur vatnsmelóna

Aðferð

Roð- og beinhreinsið bleikjuna. það er mikilvægt að hún sé ný og fersk. Skerið bleikjuna í um 4 sm ræmur, látið í skál og saltið aðeins og piprið. Kreistið safa úr appelsínum og sítrónum, blandið saman og hellið yfir bleikjuna. Breiðið plastfilmu yfir og látið standa í kæli í minnst 2 klst. þannig marinerast fiskurinn. Flysjið appelsínuna alveg inn að aldinkjöti, skerið appelsínubátana út og fjarlægið steinana. Afhýðið rauðlauk og hakkið fínt. Fræhreinsið chili og skerið í fína strimla. Skerið hvern kirsiberjatómat í fjóra hluta og fjarlægið kjarnana. Saxið mintuna fínt og blandið svo öllu sem talið er upp í uppskriftinni saman. Setjið í djúpa skál, breiðið plastfilmu yfir og látið standa í kæli í minnst 1 klst. Blandið þessu svo saman við bleikjuna rétt áður en rétturinn er borinn fram. Skerið vatnsmelónubátinn í um 1 sm þykkar og jafnar sneiðar, fallega þríhyrninga. Fjarlægið alla steina. Leggið vatnsmelónusneiðarnar á diska, látið bleikjublönduna þar ofan á og skreytið síðan með appelsínulaufum og mintublöðum.