Risahörpudiskur á „polentu“

Hráefni

» 320 g risahörpudiskur

» 21/2 dl polentamjöl

» 6 dl kjúklingasoð

» 50 g parmesanostur, rifinn

» 30 g smjör

» 50 g kúrbítur

» 50 g rauðlaukur

» 25 dl hindberjaedik

» 25 dl ólífuolía

» salt og pipar

Aðferð

Byrjið á að gera polentuna. Hitið kjúklingasoð í potti, hellið polentamjöli varlega saman við og hrærið stöðugt í á meðan „grauturinn“ er að þykkna. Þegar grauturinn er orðinn þykkur er potturinn tekinn af hitanum og parmesanosti og smjöri blandað varlega út í. Setjið í form og kælið í um 4 klst. Formið má klæða með smjörpappír eða smyrja með olíu en það er óþarfi.

Skerið kúrbít og rauðlauk í teninga, um 1 x 1 sm, og kryddið vel með salti og pipar. Hellið ólífuolíu og hindberjaediki yfir grænmetið og hrærið vel saman. Látið standa jafn lengi og polentuna eða í um 4 tíma. Takið úr forminu og mótið í fallega þríhyrninga. Snyrtið hörpudiskinn, það er takið skeggið af. Ristið polentu og hörpuskel á pönnu og kryddið með salti og pipar. Setjið polentuna á disk, hörpudiskinn ofan á og grænmetið með marineringunni umhverfis.