Blómkálsmauk

Hráefni

» 300 g Blómkál

» Eftir smekk Salt

» 200 ml Mjólk

» 100 ml Rjómi

» 2 msk. Smjör

Fyrir 4 - 6 | skoða myndskeið

Blómkálsmauk er skemmtilegt meðlæti og ætti að slá í gegn bæði með fiski og kjöti

Aðferð

Bitið niður blómkál. Takið nokkra fallega hausa og forsjóðið í saltvatni og steikið svo með eplunum hér að ofan. Takið restina og sjóðið í 50/50 rjóma og mjólk uns alveg meyrt. Setjið í blender og vinnið uns maukið er algerlega mjúkt. Bætið með salti og smjöri.

Steikt epli að dönskum hætti

Hráefni

» 2-3 stk. Epli

» 2 msk. Olía

» 2 msk. Smjör (má sleppa)

» 1 grein Rósmarín

» Eftir smekk Karrí

» Eftir smekk Salt

Fyrir 4 - 6

Steikt epli koma í staðinn fyrir gamala eplasalatið með majónesinu

Aðferð

Afhýðið og skerið eplið í báta. Steikið á pönnu upp úr smá olíu og smjöri ásamt rosmaríngrein. Þegar fallegm gljáa er náð sáldrið karríi yfir uns hæfilega sterkt. Saltið ögn.

Mandarínumauk

Hráefni

» 4 stk . Mandarínur

» 400 g Sykur

» 400 g Vatn

» 1 msk. Smjör

» 50 ml Rjómi

Fyrir 4 - 6 | skoða myndskeið

Mandarínumauk er ný útfærsla af sætu meðlæti sem smellpassar með svínakjöti

Aðferð

Skerið mandarínurnar í ca 10 bita. Sjóðið svo í sykurlegi í fjórgang, alltaf nýjum og nýjum. Þetta er gert til að ná beiskjunni úr mandarínunum. Setjið svo á sigti og náið mesta vökvanum af. Setjið í matvinnsluvél og vinnið þar til falleg áferð myndast. Bætt með smá smjöri og rjóma. (Hægt er að notast við venjulegt appelsínumarmelaði sem er unnið í blender með örlitlum sýrðum rjóma. Ef notað er marmelaði skal nota 4 hlutar marmelaði / 1 hluti sýrður rjómi.)