Sítrus og dill-grafinn lax með graflaxsósu

Hráefni

» Ca. 1 1/2 kg Laxaflak (beinhreinsað, biðjið fisksalann að gera það fyrir ykkur)

» 100 g Salt

» 70 g Sykur

» 10 g (ca ½ tsk) Svartur pipar

» (eftirfarandi bragðefnum má skipta út fyrir önnur ef eitthvað er ekki til í kryddskápnum)

» 1 msk Fennel duft

» 1 msk Kóríander duft

» 3 msk Dill

» af 1 sítrónu Sítrónubörkur

» 1 msk Fersk mynta söxuð gróft (má sleppa)

Fyrir 4 - 6

Graflax er lostæti sem flestir þekkja og hver veiðimaður ætti að grafa sinn fisk sjálfur. Hér er auðveld og skemmtileg aðferð til að galdra fram þennan létta og ljúffenga rétt.

Aðferð

Blandið öllum kryddum saman og stráið 1/3 af blöndunni í botninn á bakka. Leggið laxaflakið í bakkann þannig að roðið snúi niður og stráið svo restinni af kryddinu yfir flakið og lokið bakkanum vel með plastfilmu. Látið standa úti á borði í 3 klst og síðan inni í kæli í 24 klst. Þá er flakið hreinsað undir köldu vatni og þerrað á pappír. Loks er fersku dilli stráð yfir og svo laxinn sneiddur þunnt og borinn fram með graflaxsósu og ristuðu brauði.