Litlar hafragrauts-pönnukökur

Hráefni

» 1 ½ bolli Hafragrautur eða (Fljót eldað örbylgju haframjöl)

» 1 bolli Hveiti eða fínt speltmjöl

» 2msk Púðursykur

» 2tsk Lyftiduft

» 1/4tsk Salt

» 1 ½ Bolli Mjólk

» 2 Egg

» 2msk Smjör eða annað til steikingar

» ½ bolli Pecan hnetur (má sleppa)

Fyrir 2 - 4 | skoða myndskeið

Amerískar pönnukökur er fastur liður vestan hafs en hér erum við með hollari útgáfu sem gott er að borða með jógúrt hræring og ferskum berjum

Aðferð

Blandið öllu í skál og steikið á pönnu í smá smjöri á meðal hita, snúið við þegar loftbólur eru hættar að myndast. Brúnið hinum megin og framreiðið með jógúrt hræring og ferskum berjum eða með rjóma og sultu

Jógúrt hræringur

Hráefni

» 1bolli Hafragrautur

» 1 dós Jógúrt að eigin vali

» ½ stk börkur af sítrónu eða limeávexti

» Fersk ber eða bananar

» Afskurður af berjum og ögn af sykri (má sleppa sykri)

» Hunang (má sleppa)

Fyrir 1 - 3

Þeir sem vilja hollan og kraftmikinn morgunmat hræra gjarna saman skyr i og hafragraut, og er það jafnan kallað hræringur. Hér kemur skemmtileg útgáfa sem kalla mætti "jógúrt-hræring"

Aðferð

Setjið afskurðinn af berjunum í örbylgjuofn með sykri (ef á að nota sykur) annars berin elduð í 2 mín á hæsta hita, safinn er sigtaður frá og gefin með.
Hafragrauturinn er hrærður með jógúrt og fínt rifinn sítrónubörkur er blandaður saman við.
Annað hvort er hræringurinn settur á disk með berjum og berjasafanum eða raðað lagskipt í glerglas svo falleg og litrík lög myndast. Gott er að læða smá hunangi með til að milda sýruna frá berjunum en það er þó ekki nauðsynlegt ef sæt og safarík ber eru notuð