Ofnbakaðar spergil- og camenbertfylltar rauðspretturúllur

Hráefni

» Ca.800 g rauðspretta (flökuð, roðflétt og beinhreinsuð) biðjið fisksalan um að gera þetta fyrir ykkur.

» 8 ferskir sperglar (hægt að nota úr dós)

» 8 sneiðar Camenbert (ca. 250 g)

» 1 msk sítrónusafi

» 1 hvítlauksrif (gróft saxað)

» 1/3 laukur (gróft saxaður)

» Stilkur Estragon eða annað gott kryddi eins og timian, rósmarín eða dill

» 1 dl hvítvín (má sleppa, en þá þarf vatn í staðinn)

» Salt og pipar

Fyrir 4 - 5

Mjúkur camenbert passar vel með mildri áferð rauðsprettunar og ferskum spergli

Aðferð

Byrjið á því að sjóða spergilinn í söltu vatni í ca. 2 mín og setjið hann síðan í kalt vatn og þerrið loks á pappír. Leggið rauðsprettuna á bretti með roðhliðina upp (samt er ekkert roð) og létt sláið á flakið þannig að það fletjist aðeins út. Stráið salti og pipar yfir, setjið einn spergil ásamt einni sneið af camenbert ofaná flakið og rúllið upp í snyrtilega rúllu. Leggið rúllurnar í eldfast mót og hellið hvítvíninu eða vatninu yfir ásamt hvítlauknum, lauknum, sítrónusafanum og kryddstilkunum. Saltið og piprið yfir rúllurnar og setjið álpappír yfir formið. Bakið inní 200°C heitum ofni í ca. 20 mín, eða þangað til fiskurinn er orðinn eldaður (fer eftir ofninum hversu langan tíma þarf).