Sælkerinn | vinotek.is | 6. ágúst

Lífið er tapas við Laurel-stræti

Það er hægt að fá tapas í öllum bæjum og borgum Spánar, flestir barir bjóða upp á einhvers konar smárétti við barborðið. Á fáum stöðum er hins vegar hægt að njóta spænsku tapasmenningarinnar með jafnmögnuðum hætti og í borginni Logrono í Rioja-héraði.

Við götuna Calle del Laurel og hina nærliggjandi Sant Augustin er bókstaflega ekki þverfótað fyrir tapastöðum og þegar líða tekur á kvöldið myndast mikil mannmergð í hverfinu. Alls eru tapasbarnirnir um fimmtíu og það á ekki mikið stærra svæði en Austurvöllur. Þetta er arfleifð þess tíma er litlar vínbúðir var að finna í þröngu miðaldagötunum í Logrono sem þróuðust út í að verða tapas-barir.

Calle Laurel er hluti af lífstíl og menningu fólksins í borginni. Þangað kemur það til að hitta vini og vandamenn, sýna sig og sjá aðra. Fólk sem búið hefur í öðrum löndum segir það alltaf hafa verið það fyrsta sem það gerði þegar það kom heim til Logrono að mæta í Laurel til að hitta gömlu kunningjana og fá allar sögurnar um hvað hefði gerst í bænum í millitíðinni.

Staðirnir eru flestir agnarsmáir og það sama má segja um réttina sem í boði eru. Lítil sneið af pylsu eða djúpsteiktri fylltri papriku. Skinka, rækjur eða sneið af reyktum fiski. Pöntunin kemur á litlum diski ásamt brauðbita. Flestir réttir kosta eina evru stykkið og það sama sama kostar glas af Crianza-víni með.

Sumir staðir sérhæfa sig í einstaka hlutum. Á El Sabas eru bestu tortilla-eggjakökurnar í boði og á Soriano sérhæfa menn sig í grilluðum sveppum. Með þessari sérhæfingu er fjölbreytni Laurel tryggð. Í stað þess að allir staðirnir reyni að bjóða upp á allt myndast og kála hver öðrum í samkeppni og að lokum einsleitni myndast hringrás um hverfið þar sem fólk gengur á milli bara og fær sér smakk af mismunandi réttum á hverjum stað.

Ef þér líkar ekki það sem þú færð á einum stað, röltir þú bara yfir á þann næsta. Fær þér ljúffenga grillaða chorizo-pylsu á Muro eða Patatas Bravas, stökksteiktar kartöflur með majonnesi og sterkkryddaðri paprikusósu á Jubera eða bita af steiktum smágrís á hinum smarta Las Cubanas.

Spánverjar borða seint og það er ekki fyrr en upp úr klukkan níu sem göturnar byrja að fyllast. Á miðnætti loka síðan allir staðirnir og eigendurnir taka til við að sópa upp götuna sem þakin er litlum servíettum um það leyti.

Sjá einnig vinotek.is

Paleo - steinaldarfæði hellisbúans

10.1. Það er fastur liður um áramót að menn strengi fögur fyrirheit um framtíðina og oftar en ekki tengjast þau hollu mataræði og aukinni hreyfingu. Ekkert nema gott um það að segja. Meira

Freyðandi áramót

29.12. Árið 2011 er að renna í aldanna skeið og eflaust munu margir skjóta ekki bara flugeldum heldur einnig kamapvínstöppum á loft af því tilefni. Meira

Jólaákavíti í þrjátíu ár

21.12. Þegar fer að líða að jólum bíða Danir spenntir eftir því að jólaákavítið frá Aalborg komi á markaðinn en þar í landi er rík hefð fyrir því að bera fram ískaldan snafs með julefrokost-borðinu. Danir drekka hvorki meira né minna en hálfa milljón lítra af snafsi í desember, það eru ansi mörg staup á hvern Dana. Meira

Púrtvín og ostar

19.12. Það tengja margir osta og rauðvín ósjálfrátt saman. Staðreyndin er hins vegar sú að oft henta önnur vín betur með ostum en rauðvín. Í mörgum tilvikum eru hvítvín besti kosturinn og púrtvín geta sömuleiðis verið frábær kostur með góðum ostum. Meira

Frönsk jól - foie gras

18.12. Frakkar borða vissulega foie gras allt árið um kring en á jólunum er hún nánast ómissandi á veisluborðinu. Foie Gras er lifur úr gæs eða önd sem í flestum tilvikum er seld niðursoðin þótt í Frakklandi megi einnig fá hana ferska eða frosna. Meira

Jólamatarmarkaður Búrsins á laugardag

7.12. Einstakur jólamatarmarkaður verður haldinn laugardaginn 10. desember kl 12-16 fyrir utan verslunina Búrið í Nóatúni 17. Þar verður komið upp risastóru tjaldi þar sem á annan tug framleiðenda og bænda munu kynna afurðir sínar bjóða til sölu. Öllum gestum á jólamatarmarkaðinn verður að sjálfsögðu boðið upp á sjóðandi heitt súkkulaði með rjóma. Meira

Veisludrykkir Valtýs

3.12. Valtýr Bergman á Fiskmarkaðnum er einn reynslumesti barþjónn landsins og hefur oft verið sigursæll í kokteilakeppnum. Við fengum hann til að setja saman nokkra góða veisludrykki fyrir okkur. Meira

Leyndarmál villta kokksins

29.11. Íslenska villibráðin er stórfenglegt hráefni en það vefst fyrir mörgum hvernig eigi að fara með það. Í nýrri bók Úlfars Finnbjörnssonar matreiðslumeistara sem ber heitið Stóra bókin um villibráð er hægt að finna upplýsingar um nær allt er snýr að villibráð. Hvernig eigi að verka hana og elda hana. Mikill fengur er af þessu glæsilega riti en segja má að Úlfar hafi helgað stóran hluta af starfsævi sinni villibráðinni. Meira

Kalkúnahátíðin mikla

26.11. Þakkargjörðarhátíðin eða Thanksgiving er einn helsti hátíðisdagur Norður-Ameríku og skipar þar svipaðan sess og aðfangadagur hjá okkur. Þetta er helgin sem fjölskyldur sameinast þó svo að fjölskyldumeðlimirnir búi í öðrum ríkjum. Meira

Trivento-helgi á Argentínu

25.10. Francisco Bragoni, sem er sérstakur “vínsendiherra” argentínska vínhússins Trivento verður hér á landi dagana 3. -6. nóvember. Af því tilefni verða m.a. Trivento-dagar á veitingahúsinu Argentínu. Meira

Vinsæll vínkjallari

17.10. Það er alltaf gaman fyrir vínáhugamenn að skoða góða vínkjallara og ekkert veitingahús á Íslandi státar af eins fjölbreyttum og góðum vínkjallara á Hótel Holt. Þar er að finna mörg af bestu og þekktustu vínum heims, ekki síst hinum frönsku. Fyrir nokkru byrjaði Holtið að opna vínkjallarann fyrir hópa sem þess óska og hefur það notið sívaxandi vinsælda að byrja kvöldið á fordrykk í vínkjallaranum og þá jafnvel algengt að gestir velji sér þar vínið til að hafa síðar með kvöldverðinum. Meira

Kokteilar á Cafe París

6.10. Við fengum Orra Pál Vilhjálmsson barþjón á Cafe París til að setja saman nokkra drykki fyrir okkur. Hann notar mikið sænska drykkinn Xanté sem hefur notið mikilla vinsælda á börum í Evrópu en þessi líkjör er blanda úr frönsku koníaki og belgískum eplum. Meira