Sælkerinn | vinotek.is | 25. október

Trivento-helgi á Argentínu

Francisco Bragoni, sem er sérstakur “vínsendiherra” argentínska vínhússins Trivento verður hér á landi dagana 3. -6. nóvember. Af því tilefni verða m.a. Trivento-dagar á veitingahúsinu Argentínu.

Einnig mun Vínskólinn halda svokallaðan Master Class 3. nóvember þar sem áherslan verður á argentínsk vín og vín frá Trivento.

Bragoni er menntaður vínþjónn og lauk prófi sem slíkur frá Instituto Arraynes í Mendoza. Hann hefur unnið um árabil í vín- og veitingageiranum. Undanfarin ár hefur hann starfað við að ferðast um heiminn og kynna argentínsk vín og þá ekki síst að halda vínkvöldverði þar sem margvíslegum réttum er parað saman við vín frá Trivento.

Sú verður einmitt raunin á Argentínu þar sem settur hefur verið saman fjögurra rétta matseðill. Kristján Sigfússon veitingamaður á Argentínu segir að seðillinn sé settur saman þannig að hann falli sem best að vínunum en jafnframt sé um leik að haustlitunum að ræða.

Byrjað er á bökuðum þorskhnakka á gulrótarmauki og hvítvínsrjóma en með því er boðið fram Tribú Chardonnay. Þá kemur grafin gæsabringa með geitaosti, heslihnetum og rauðbeðuþynnum en með þeim rétti var valið vínið Trivento Viognier. Í aðalrétt er grillað nauta rib-eye með trufflusmjöri og rauðvínið Trivento Coleccion Fincas Syrah. Í eftirrétt er loks súkkulaðifrauð með Camus-legnum sveskjum og karamellueplum og sætvínið Trivento Brisa de Osono Late Harvest.

Verð fyrir matseðilinn er 8.650 krónur og fyrir vínseðilinn 5.500 krónur.

Bragoni mun fræða gesti um vínin dagana 3.-6 nóvember og þá verður einnig boðið upp á freyðivín frá Trivento og óvæntum vínum skotið aukreitis inn í vínseðilinn.Trivento er þriðja stærsta vínhús Argentínu og hafa Trivento-vínin verið mest seldu argentínsku vínin hér á landi um árabil. Framleiðsla vínhússins er mjög fjölbreytt, allt frá vínum á borð viðMixtus og Tribú yfir í einnar ekru vínin Fincas, Golden Reserve og Amado Sur og toppvínið Eolo.

Vínin frá Trivento koma aðallega af átta ekrum af mismunandi svæðum í Mendoza sem samtals þekja tæplega þrettán hundruð hektara.

Sjá einnig vinotek.is

Litskrúðugir vordrykkir

4.4. Það er vor í lofti og af því tilefni fengum við Aðalstein Jóhannesson til að setja saman nokkra sumarlega drykki í öllum regnbogans litum en hann er menntaður sem þjónn og vínþjónn og hefur komið víða við bæði hér heima og í Noregi. Meira

Drykkir Jóa í Tapashúsinu

26.2. Tapashúsið er einn af nýjustu veitingastöðunum í Reykjavík og býður upp á suðræna stemmningu. Jóhann Gunnar Baldvinsson setti saman nokkra spennandi drykki fyrir okkur. Bols Cheesecake er drykkur þar sem jógúrtlíkjör ásamt jarðarberjalíkjör mynda samsetningu sem ótrúlegt nokk minna skemmtilega á góða ostaköku. Svipuð hráefni eru notuð í Bols Raspberry Delight en útkoman þó allt önnur, svolítil smoothie-tilfinning yfir drykknum. Jógúrtlíkjörinn kemur einnig við sögu í Apple Cream Delight þar sem limesafi og eplalíkjör gefa góðan ferskleika. Meira

Paleo - steinaldarfæði hellisbúans

10.1. Það er fastur liður um áramót að menn strengi fögur fyrirheit um framtíðina og oftar en ekki tengjast þau hollu mataræði og aukinni hreyfingu. Ekkert nema gott um það að segja. Meira

Freyðandi áramót

29.12. Árið 2011 er að renna í aldanna skeið og eflaust munu margir skjóta ekki bara flugeldum heldur einnig kamapvínstöppum á loft af því tilefni. Meira

Jólaákavíti í þrjátíu ár

21.12. Þegar fer að líða að jólum bíða Danir spenntir eftir því að jólaákavítið frá Aalborg komi á markaðinn en þar í landi er rík hefð fyrir því að bera fram ískaldan snafs með julefrokost-borðinu. Danir drekka hvorki meira né minna en hálfa milljón lítra af snafsi í desember, það eru ansi mörg staup á hvern Dana. Meira

Púrtvín og ostar

19.12. Það tengja margir osta og rauðvín ósjálfrátt saman. Staðreyndin er hins vegar sú að oft henta önnur vín betur með ostum en rauðvín. Í mörgum tilvikum eru hvítvín besti kosturinn og púrtvín geta sömuleiðis verið frábær kostur með góðum ostum. Meira

Frönsk jól - foie gras

18.12. Frakkar borða vissulega foie gras allt árið um kring en á jólunum er hún nánast ómissandi á veisluborðinu. Foie Gras er lifur úr gæs eða önd sem í flestum tilvikum er seld niðursoðin þótt í Frakklandi megi einnig fá hana ferska eða frosna. Meira

Jólamatarmarkaður Búrsins á laugardag

7.12. Einstakur jólamatarmarkaður verður haldinn laugardaginn 10. desember kl 12-16 fyrir utan verslunina Búrið í Nóatúni 17. Þar verður komið upp risastóru tjaldi þar sem á annan tug framleiðenda og bænda munu kynna afurðir sínar bjóða til sölu. Öllum gestum á jólamatarmarkaðinn verður að sjálfsögðu boðið upp á sjóðandi heitt súkkulaði með rjóma. Meira

Veisludrykkir Valtýs

3.12. Valtýr Bergman á Fiskmarkaðnum er einn reynslumesti barþjónn landsins og hefur oft verið sigursæll í kokteilakeppnum. Við fengum hann til að setja saman nokkra góða veisludrykki fyrir okkur. Meira

Leyndarmál villta kokksins

29.11. Íslenska villibráðin er stórfenglegt hráefni en það vefst fyrir mörgum hvernig eigi að fara með það. Í nýrri bók Úlfars Finnbjörnssonar matreiðslumeistara sem ber heitið Stóra bókin um villibráð er hægt að finna upplýsingar um nær allt er snýr að villibráð. Hvernig eigi að verka hana og elda hana. Mikill fengur er af þessu glæsilega riti en segja má að Úlfar hafi helgað stóran hluta af starfsævi sinni villibráðinni. Meira

Kalkúnahátíðin mikla

26.11. Þakkargjörðarhátíðin eða Thanksgiving er einn helsti hátíðisdagur Norður-Ameríku og skipar þar svipaðan sess og aðfangadagur hjá okkur. Þetta er helgin sem fjölskyldur sameinast þó svo að fjölskyldumeðlimirnir búi í öðrum ríkjum. Meira

Vinsæll vínkjallari

17.10. Það er alltaf gaman fyrir vínáhugamenn að skoða góða vínkjallara og ekkert veitingahús á Íslandi státar af eins fjölbreyttum og góðum vínkjallara á Hótel Holt. Þar er að finna mörg af bestu og þekktustu vínum heims, ekki síst hinum frönsku. Fyrir nokkru byrjaði Holtið að opna vínkjallarann fyrir hópa sem þess óska og hefur það notið sívaxandi vinsælda að byrja kvöldið á fordrykk í vínkjallaranum og þá jafnvel algengt að gestir velji sér þar vínið til að hafa síðar með kvöldverðinum. Meira