Prenta uppskrift

Jólamatarmarkaður Búrsins á laugardag

Einstakur jólamatarmarkaður verður haldinn laugardaginn 10. desember kl 12-16 fyrir utan verslunina Búrið í Nóatúni 17. Þar verður komið upp risastóru tjaldi þar sem á annan tug framleiðenda og bænda munu kynna afurðir sínar bjóða til sölu. Öllum gestum á jólamatarmarkaðinn verður að sjálfsögðu boðið upp á sjóðandi heitt súkkulaði með rjóma.

Matarmarkaðurinn er haldinn í samvinnu við Beint frá býli og er í tilefni af hinum alþjóðlega Terra Madre-degi. Það eru Slow Food samtökin sem standa að þeim degi og vilja með honum vekja athygli á ferskri og hreinni matvöru um allan heim.

Eftirfarandi framleiðendur verða með bása á matarmarkaðnum:

MATARBÚRIÐ;  www.hals.is - Doddi og Lísa mæta með grasfóðrað holdanautakjöt (aberdeen angus og galloway) sem er bragðmikið og meyrt þar sem það fær að hanga í 3 vikur+. Úrval af carpaccio, nautadjörki og bratwurst pylsum. Lísa er einnig með frábært úrval af kryddsultum (chutney) heimalöguðu sinnep og sultum.

SOGN Í KJÓS; Hamborgarar, beef jerky, carpaccio, reykt nautakjöt og ýmsar fleiri nautakjötsafurðir, sultur, kæfa.  Sveina og Snorri með ferskt nautakjöt, carpaccio, hamborgara, beef jerky og fleiri nautaafurðir úr eigin vinnslu.

KIÐAFELL í KJÓS; Tvíreykt hangikjöt eins og það gerist best – jóla jóla.

HVANNARLAMB; Halla frá Ytri- Fagradal mætir með lambakjötið sitt, en sérstaðan fellst í því að lömbin hafa verið fóðruð á hvönn sem skilar sér í bragðinu.

BRAUÐ OG KÖKUGERÐIN; Hvammstanga : Svava sér um að framleiða hið frábæra hrökkkex sem er svo vinsælt að það selst vanalega um leið og það kemur í hillurnar. Hrökkur og Stökkur heitir þetta. Einnig kemur með úrval af jólabakstri.

SÆLUOSTAR ÚR SVEITINNI ; Sæluostar úr sveitinni eru  framleiddir af vinkonunum Stellu Jórunni A. Levy og Sæunni Vigdísi Sigvaldadóttur í Vestur-Húnavatnssýslu. Hér er á ferðinni svokallaður ferskostur en hann er búinn til í fimm bragðtegundum.  Þess má geta að þær nota lífræn ræktuð krydd í ostana. Komið við og prófið þessa ljúffengu osta - þeir eru hreinasta lostæti. Jólaútgáfur verða á boðstólum.

SVANDÍS KANDÍS;  www.kandis.is.  Frábærir handgerðir brjóstsykursmolar úr gæða hráefnum. Jólamolinn er epli og kanil og er alveg frábær enbananalakrís og stjörnuanís er ekki verri .Namm namm – gamaldags góðgæti.

ERPSSTAÐIR Í DÖLUM; www.erpsstadir.is. Skyr, rjómi, ís, ostur og skyrkonfekt. Þorgrímur og Helga er skínandi dæmi um nýja kynslóð bænda sem rækta, þróa og framleiða eigin vörur úr eigin hráefni.

MÓÐIR JÖRÐ;  www.vallanes.net.  Koma með góðar kryddsultur, kex ofl. -kannski jólatré og tvær nýjar vörur fyrir jólin.

URTA ; Á boðstólum verður úrval af jurtate allt unnið úr íslenskum jurtum. Einnig sýrop, sultur og frábær bragðbætt sölt til að nota á jólasteikina.

RABARBÍA ; Frá Langamýri á Skeiðum koma þessar frábæru og frumlegu rabarbaravörur - Rabarbarakaramella, sulta, og fíflasýróp sem er hin besta íssósa..

PYLSUMEISTARINN ; Frábært úrval af kjötmeti

SANDHOLT ; Gæða konfekt og jóla Panettone

VÍNEKRAN ; Stephane mætir með ráðgjöf varðandi jólavínin en einnig Foie gras frá Alsace.

BJARTEYJARSANDUR - Arnheiður mætir með kofareyktar bjúgur og hennar heimsfrægu kæfu

JÓN KRISTINSSON - Einn sá albesti reykti lax og silungur sem hægt er að fá ásamt vestfirskum harðfisk

KAFFITÁR -Verða með kynningu á Hátíðakaffi Kaffitárs 2011 kynninginn fer fram á sérstakan máta það sem við köllum Helling (slow brew). Einnig munu þau bjóða gestum og gangandi til kaups Hátíðakaffi, Grýlukanilkaffi, Súkkulaðihúðarkaffibaunir og Biscotti kökur.

BÚRIÐ ; Verðum með nýjar jólavörur þar á meðal "Jólaglöggur" sem er grunnurinn að góðum jólaglögg. Bráðum koma ostajólin!

Sjá einnig vinotek.is