Uppskriftir | vinotek.is | 13. desember

Hreindýrasteik með villisveppamauksósu

Þessi uppskrift að hreindýrasteik kemur frá Úlfari Finnbjörnssyni og er að finna í bók hans "Stóru bókinni um villibráð" sem nýlega kom út.

4 x 200 g hreindýrasteikur
salt og nýmalaður pipar
2 msk. olía
30 g þurrkaðir villisveppir, malaðir í kaffikvörn eða matvinnsluvél
1 dl portvín
½ dl brandí
2½ dl rjómi
½ msk. nautakjötskraftur
sósujafnari

Gljáður skalottlaukur

8-12 skalottlaukar
½ l vatn
2 msk. olía
4 msk. sykur
3 timjangreinar
2 lárviðarlauf
2 msk. balsamedik
1 dl rauðvín
salt og pipar

Kóngssveppir

4-6 kóngssveppir, skornir í báta
1-2 msk. smjör
salt og nýmalaður pipar

Kryddið hreindýrasteikur með salti og pipar og steikið í olíu á vel heitri pönnu í 2 mínútur á hvorri hlið. Takið steikurnar af pönnunni og setjið í 180°C heitan ofn í 5-7 mínútur. Setjið sveppamulning á sömu pönnu ásamt portvíni og brandíi og sjóðið vínið niður um ¾. Bætið rjóma og kjötkrafti í sósuna og þykkið með sósujafnara. Smakkið til með salti og pipar.

Gljáður skalottlaukur

Setjið skalottlauk og vatn saman í pott, þannig að rétt fljóti yfir laukinn. Kveikið undir en takið pottinn af hellunni um leið og suðan kemur upp. Skrælið þá laukinn og steikið í olíu á pönnu þar til hann er orðinn fallega brúnn. Bræðið sykur á pönnu og látið hann brúnast. Bætið timjangreinum, lárviðarlaufum, balsamediki, rauðvíni, salti og pipar á pönnuna og sjóðið vökvann niður um ¾.

Kóngssveppir

Steikið sveppi upp úr smjöri á vel heitri pönnu í 2-3 mínútur og kryddið með salti og pipar.

Með hreindýrasteik á fátt betur við en gott Bordeaux, hér mætti t.d. bjóða fram Chateau d'Agassac.

Sjá einnig vinotek.is

Amerískt kartöflusalat

Í gær, 21:28 Þetta er sígilt amerískt kartöflusalat sem hentar vel sem meðlæti með nær öllu griluðu kjöti. Meira

Lambakótilettur með kúrbít, ólívum og feta

Í gær, 20:45 Hér eru það Miðjarðarhafsáhrifin sem eru ríkjandi, jafnvel svolítið grískur fílingur. Meira

Farro með lax og parmesan

24.5. Hér er blandað saman ítölskum og austurlenskum áhrifum enda falla þessir bragðheimar oft einstaklega vel saman. Farro er forn ítölsk korntegund sem enn er mikið notuð á Ítalíu. Farro má fá í Frú Laugu en einnig er hægt að nota Bankabygg. Meira

Pizza með risarækjum og klettasalati

20.5. Þessi pizza er tilvalin sem puttamatur, skorin niður í litla bita, þótt auðvitað geti hún líka verið heil máltíð eða forréttur. Uppskriftina fengum við frá snillingnum Sigurjóni Þórðarsyni, ráðgjafa og matreiðslumeistara. Meira

Farro með grilluðu grænmeti

10.5. Farro er ítölsk korntegund, spelt, sem á sér langa og merkilega sögu. Þetta er til að mynda kornið sem að hélt sveitum Rómverja á lífi þegar þeir þrömmuðu um Evrópu. Farro minnir um margt á bygg en er bragðmeira og aðeins harðara undir tönn. Farro fæst t.d. í Frú Laugu en einnig er hægt að nota Bankabygg. Meira

Nautasteik í hvítlauks og sinnepskryddlegi

6.5. Þessi marinering er mjög bragðmikil og hentar fyrir flestar nautasteikur sem eiga að fara á grillið. Meira

Salat með grilluðum kúrbít, tómötum og fetaosti

6.5. Þetta er sumarlegt og litríkt salat sem getur staðið eitt og sér eða verið meðlæti með grilluðu kjöti eða fiski. Meira

Pizza með beikoni, papriku og rjómaosti

4.5. Beikon gefur pizzunni gott bragð og passar vel við rjómaostinn og paprikurnar sem hér eru notaðar með. Meira

Kröftug lambagrillsteik

2.5. Þetta er mjög bragðmikil marínering með blöndu af vesturlenskum og austurlenskum áhrifum sem passar ekki síst við vel fitusprengda bita af lambinu á borð við prime eða kótilettur. Meira

Hrísgrjón með avókadópestó

1.5. Þetta er eiginlega eins konar blanda af pestó og guacamole, sem er blandað saman við hrísgrjón. Tilvalið meðlæti með grillmat eða grænmeti. Meira

Rósmarínlegnar nautasneiðar

1.5. Rósmarín er undursamleg kryddjurt sem passar ekki síst vel með nautakjöti og lambakjöti. Hér er kryddlögur sem er upplagður fyrir nautakjötssneiðar (t.d. ribeye eða nautalund) sem eiga að fara á grillið. Meira

Kartöflusalat með graslauk

28.4. Graslaukurinn er farinn að teygja sig það langt upp úr jörðinni að það má fara að klippa hann og nota í matargerðina. Það er til dæmis hægt að nota graslauk í gott kartöflusalat með grillmatnum. Meira