Uppskriftir | vinotek.is | 28. febrúar

Kjúklingur í kókoshnetusmjörssósu

í þessum rétti mætast saman sætt og sterkt og útkoman varð þessi fínasti réttur í svolítið taílenskum fíling sem öllum líkaði við. Hann er mun mildari en chilimagnið gefur til kynna.

600 g beinlaust kjúklingakjöt (læri,bringur eða lundir) skorið í strimla
1 stór púrrulakur, skorinn í strimla
1 laukur, fínsaxaður
1 rauður chili fínsaxaður
1 dós kókosmjólk
1,5 dl hnetusmjör
1 msk púðursykur
safi úr hálfri sítrónu
1 tsk kjúklingakraftur eða 1 teningur
1 msk panang curry (má sleppa)
væn klípa af chiliflögum
matarolía
salt og pipar
1 pakki asískar eggjanúður

Blandið kókosmjólkinni, hnetusmjörinu, púðursykrinum, sítrónusafanum og kjúklingakraftinu saman í potti. Látið sjóða upp og lækkið þá hitann og látið malla á vægum hita. Mýkið á meðan púrrulaukinn ,laukinn og chilí á pönnu. Blandið saman við sósuna í pottinum. Steikið næst kjuklingastrimlana á pönnu ásamt, kryddið með salti, pipar, chiliflögum og panang curry. Færið síðan kjúklinginn yfir í pottinn og látið malla áfram á meðan að þið sjóðið núðlurnar.

Sjá einnig vinotek.is

Taco Pizza

00:00 Það þarf auðvitað ekki að spyrja að því hvaðan hugmyndin að þessari pizzu kemur. Taco og pizza njóta mikilla vinsælda í Bandaríkjunum og auðvitað tilvalið að reyna að splæsa þetta saman í eitt. Útkoman er bara lygilega góð. Meira

Grillaður asískur lax með kókosgrjónum

í gær Þetta er alveg hreint magnaður grillaður lax. Brögðin eru úr asíska eldhúsinu og við notum líkt og svo oft áður þurrkaðan chili (chiliflögur) til að magna upp bragðið. Hér er það hvorki meira né minna en matskeið sem gefur ágætan en ekki yfirþyrmandi “hita” í réttinn. Þið getið minnkað – eða aukið – chili-magnið allt eftir því hvað þið viljið ganga langt í þeim efnum. Kókosgrjónin eru siðan sótt til Taílands en þau falla frábærlega að krydduðum mat. Meira

Asísk kjúklingaspjót með sesam

23.5. Þetta eru bragðmikil og fín kjúklingaspjót á grillið með asísku yfirbragði. Sesamolían og sesamfræin gefa tóninn. Meira

Mexicali-kjúklingur “butterfly”

21.5. Mexicali er nafnið á höfuðborg Baja California sem er sá hluti Kaliforníuskagans sem tilheyrir Mexíkó. Mexicali er hins vegar líka hugtak sem notað er yfir þann sambræðing af matarvenjum Mexíkó og Kaliforníu sem finna má í suðurhluta ríkisins, svona svipað og Tex-Mex í Texas. Grillaðir “butterfly”-kjúklingar sem marineraðir hafa verið í góðri kryddblöndu njóta mikilla vinsælda í Suður-Kaliforníu og margir litlir staðir sem sérhæfa sig í að bera fram slíkan kjúkling. Hér er ein ekta, fín Mexicali-uppskrift. Meira

Einföld og flott grillsósa

20.5. Kaldar grillsósur eru alltaf góðar með kjötinu og þess vegna fiskinum. Það er BBQ-bragð í þessari og hún á því vel við grillkjöt með slíkri sósu. Svo er líka hægt að nota hana með t.d. grilluðum lax og kartöflum. Meira

Franskt kartöflusalat

19.5. Það er ekkert náttúrulögmál að það verði að nota majonnes og/eða sýrðan rjóma í kartöflusalat. Þetta ferska kartöflusalat er í frönskum stíl og það eru sinnep, laukur og kryddjurtir sem að gefa því bragðið. Það hentar með ýmsu, bæði grilluðu kjöti og fiski eða þá köldu roastbeef, svo dæmi sé tekið. Tilvalið í jafnt grillveisluna sem veisluborðið. Meira

Karabískur humar með rommi og engifer

17.5. Sósan með þessum humar er einstaklega góð og það væri einnig hægt að elda t.d. risarækjur með sama hætti. Við elduðum humarinn á pönnu á grilli en auðvitað er hægt að gera það á venjulegri pönnu líka. Meira

Lasagna að hætti Jamie Olivers

16.5. Þetta er einn af þeim betri lasagnaréttum sem ég hef gert og voru allir fjölskyldumeðlimirnir sammála því. Þessi leið við að elda lasagna kemur upphaflega úr smiðju Jamie Olivers en trixið er að skipti út hinni hefðbundnu béchamelsósu fyrir blöndu af sýrðum rjóma og parmesanosti. Tær snilld. Lasagna að hætti Jamie Olivers má nú finna í ýmsum útgáfum og hér er okkar útfærsla. Meira